Телевизиски кадри покажаа  као демонстранти извикуваа ” Долу Путин”, “Русија без Путин!” и “Путин е крадец !”

 

Рускиот опозициски лидер Алексеј Навални направил пркосен настап  во судот по апсењето  на масовните протести во неделата, објави ББЦ.

Тој инсистирал дека судот треба да го повика премиерот Дмитриј Медведев за испрашување .

Илјадници протестираа, а стотици беа приведени во цела Русија по тврдењата на Навални за корупција на премиерот.

 Во меѓувреме московскиот суд утврдил  дека опозиционерот треба  да биде уапсен за 15 дена, прогласен  за виновен за непослушност на полициски наредби за време на неговото апсење.
Навални добил и  парична казна во износ од 20 илјади рубљи од судот за организирање на неовластен антивладин митинг .

Претходно денеска Европската унија побара “веднаш” ослободување на приведените при протестите.

 

Пред појавувањето во судот, 40-годишниот Навални напиша на  својот профил на “Твитер” од судницата: “Здраво на сите од судот. Ќе дојде време кога ќе ги соочиме пред судот (само чесно).”

Тој истакнал дека Медведев требало да биде повикан во судот како водечки организатор на протестите, бидејќи неговите “корумпирани практики ги извадија луѓето на улиците на 99 града”.

Навални исто така навел дека сака на приведените да им биде дадена можност да покренат постапки во Европскиот суд за човекови права.

Илјадници демонстранти излегоа на улиците на руските градови, вклучително и во Санкт Петербург, Владивосток, Новосибирск, Томск и др., Како и во Москва.

Упасени се  500 демонстранти . Повеќето од протестите беа организирани без дозвола од властите.

Телевизиски кадри покажаа  као демонстранти извикуваа ” Долу Путин”, “Русија без Путин!” и “Путин е крадец !”

Овие протести биле најголемите од антивладините протести во 2011 и 2012 година.