Ако замислиме дека се будиме во луксузен хотел, од кој се открива неверојатен поглед кон морето или планината, но наместо да го криеме овој рај за себе, треба да ги споделиме искуствата во социјалните медиуми … изгледа како сон, нели ?
И не само што ќе посетиме 12 различни дестинации во целиот свет, но и ќе добиеме 30 $ 000 за ова задоволство.
Работата од соништата се рекламира од Third Home – клуб за патувања во САД.
Компанијата бара да вработи човек кој ќе патува до луксузни туристички дестинации, пишува за нив и го снима престојот. Тримесечниот ангажман вклучува престој во 12 различни одморалишта низ целиот свет.
На секое место кое ќе го посети ангажираниот вработен треба да создаде интригантни блог и видео содржини, со кои ќе го промовира брендот.
Од компанијата бараат човек кој има искуство во социјалните медиуми, се занимава со пишување на блогови, видео блогови, може да раскаже голема приказна и да го рекламира брендот со слики, видео и со приказна.
Од компанијата бараат уште кандидатот да е над 18 години и да има искуство со меѓународни патувања, валиден пасош и возачка дозвола. Избраниот среќен не треба да се грижи дека ќе биде сам на рајските места, бидејќи може да се земе и пријател за време на патувањето.
Тој ќе добива по 10 илјади долари месечно, а сите трошоци за патувањето ќе бидат покриени. Егзотичната рута сè уште не е јасен.