Добитничката на “Оскар” Голди Хоун се враќа во големото кино со својата улога во комедијата “Грабнат/а”, каде со Ејми Шумер ќе играат мајка и ќерка.
71-годишната актерка не се појавила на екран од 2002 година, а последниот долгометражен филм со нејзино учество е “The Banger Sisters”.
Во новото издание на списанието Interview таа раскажува пред актерката (и нејзина ќерка) Кејт Хадсон зошто си дала таква долга пауза од киното.
“Верувам дека животот е постојана промена, трансформација. Не можам да си се замислам, а да не растам. Кога наполнив 50 години, го прашав пријателот актер на иста возраст “Што да правам сега?”
Голди вели дека сакала да се оддели од филмот и да поживее на непознато место, да се зафати со археологија и да започне да помага на светот. “Сакав да истражувам подлабоко и да си одговорам на прашањето што можам да му предложам на светот и што да научам. Почнав да ја проучувам психологијата.
По настаните на 11 септември сфатив што да правам. Напишав две книги и го создадов MindUP (добротворниот проект со научни цели за развојот на децата) Работиме во Јордан, Србија, Велика Британија, Америка и Хонгконг.“
Таа забележува дека никогаш не гледа назад и затоа не сонувала да се врати во кино – била и доста зафатена со другите дела. Што се однесува до тоа какви совети може да им даде на младите актери, Голди Хоун вели:
“Сметам дека е потребно да се започне со професијата. Не само да се следи сонот, потребно е многу да се работи. Ако сакате да играте, треба да одите на актерски курсеви. Ако сакате да танцувате, потребно е да се научите да танцуваат “.
Според неа, младите не треба да мислат за тоа што сакаат да прават, туку какви луѓе сакаат да се.
“Мислам дека желбата да се унапредите е фундамент за развој на талентот. Би рекла: станувајте подобри во она што го умеете. Потоа почнете со нешто ново. Соништата секогаш ќе се остварат. Но, она што сте биле, ќе останете за целиот живот. Удрете шајка во дрвото. Дознајте што е пот и неуспех. Научете се да ги прифаќате отфрлањата и да не го сфаќате тоа лично “.
Сè уште не е познато дали Голди Хоун ќе продолжи да се снима во киното или ќе се насочи кон изучување на светот и себе. Светската премиера на “Грабнат/а” ( “Snatched”) ќе се одржи на крајот на мај.