Бугарската министерска за туризам Николина Ангелкова соопшти дека нејзиниот ресор во соработка со Министерството за внатрешни работи ја разгледува идејата за формирање на туристичка полиција и инспекторат за туризам, во чија надлежност би биле контролата на работењето на сите дејности од туристичкиот сектор. 
Како што јави БТА, Ангелкова најави дека на почетокот оваа туристичка полиција би почнала да функционирала во поголемите одморалишта и туриситчки центри во Бугарија.
Таа истакна дека Министерството ќе ја разгледа и идејата за создавање на Центар за квалификација и преквалификација на кадри од туристичкиот сектор.
Ангелкова најави и преземање мерки против „сивата економија“ во туризмот, со засилени контроли на дивите објекти за издавање на легла на туристи, како и за регулација на работата на угостителско-туристичките капацитети.