120
Дваесет и три лица загинаа денеска во автобуска несреќа во околината на туристичкиот турски град Мармарис, во округот Мугла, а други осум лица се тешко ранети, изјави градоначалникот Амир Чичек, пишува весникот „Хуриет дејли њуз“.
Автобусот превезувал локални туристи, претежно жени и деца, кои патувале кон Мармарис од западниот округ Измир на еднодневна екскурзија.
Возилото удрило во карпа и се превртело, откако претходно возачот загубил контрола врз него.
– Во авотбусот немало странски туристи. Причината за несреќата се истражува. Можно е да имало проблем со кочниците – посочи Чичак.