Ариана Гранде ќе се врати во Манчестер, каде пред малку повеќе од една недела самоубиец се разнесе по нејзин концерт и уби 22 лица.
Американската пејачка ќе одржи хуманитарен концерт во недела, во спомен на жртвите на нападот, соопштија светските информативни агенции.
Плејада од ѕвезди – Кејти Пери, Џастин Бибер, Mајли Сајрус, Фарел Вилијамс, групите Coldplay и Take That ќе учествуваат во концертот, објавија организаторите.
Концертот “One Love Mancester” ќе биде на стадионот за крикет “Олд Трафорд”, a приходите од него се наменети за фондот основан од градските власти и британскиот Црвен крст.
Во изјавата по нападот пејачката рече: “Нема да дозволиме тоа да нè раздели. Нема да ѝ дозволиме на омразата да надвладее. Треба да одговориме на ова насилство со тоа што ќе нè зближи, ќе си помагаме, ќе сакаме повеќе, пееме посилно и живееме поблагородно отколку досега “.