Првата светска куќа на дрво, која сепак е изградена врз кран, ги отвори вратите во Бристол за оние кои сакаат авантури на високо во градот. Само за 100 дена чудната дрвена куќарка ќе биде отворена за ноќевања со првичните резервации.
Престојот за две лица чини 185 фунти во текот на неделата и 250 за време на викендите. Дрвената куќа која располага со удобна спална и покрив, покриен со трева, открива поглед кон пристаништето на градот.
Нестандардната куќа има за цел да обезбеди вистински гозба за сетилата со своите различни текстури, бои, растенија, мириси и звуци кои се во хармонија со архитектурата и дизајнот на ентериер. Сето тоа остава чувство на спокојство, што обично може да се открие само во природата.
Гостите се опкружени со шумски мириси, цветни мотиви, лаванда и жалфија. Тие заспиваат под звуците на еден клокотење на вода и се будат со птичји песни.
Едниот ѕид на дрвената куќа е нареден со полици од живите растенија, а на покривот има мноштво саксии, чија цел е да се привлечат пчели, птици и пеперутки. Речиси сите материјали кои се користат за изработка и опремувањето на куќата, се земени од природата.
Иако идејата на градбата е да ја доведе природата во градот, таа располага и со задоволствата на кои сме навикнати во современиот начин на живот, вклучувајќи туш и удобен кревет.
Слики на куќата, изградена врз кран, може да видите во нашата галерија.