Купувањето на руски ракетен комплекс С-400 “Триумф” не значи противење на Турција против НАТО или нејзино заминување од Алијансата, туку Анкара се стреми да ја ослабне зависноста од овој воен блок. Ова го изјави турскиот воен експерт Туран Огуз.
Говорејќи на состанокот на парламентарната група на владејачката во земјата Партија на правдата и развојот во Анкара, претседателот на Турција Реџеп Таип Ердоган најави потпишувањето договор со Русија за испорака на С-400.
“Ако во иднина Турција одлучи да го напушти НАТО, во најмала рака, тоа нема да е невозможно во техничка смисла. Ова се цели на Анкара “, рече Огуз во интервју за Anadolu, коментирајќи го купувањето.
Тој истакна дека предностите на комплексите С-400 се повеќе отколку недостатоците, а нивната набавка е неопходна мерка, насочена кон покривање на потребите на земјата во блиска перспектива.
Огуз исто така ги коментира и изјавите на властите на САД, кои во последните денови изразуваат своја загриженост во врска со купувањето на ситемот од страна на Анкара.
“Не е без интерес тоа дека приговорите против купувањето на ЗРК беа помалку кога Анкара разговараше за купување на кинеските ЗРК FD-2000. Претпоставувам дека во иднина, откако Турција најави за развој на националните ЗРК HISAR, незадоволството ќе се зголеми.
Причината е едноставна: Турција ги напушта рамките на “дозволеното” “, истакна Огуз. Тој потсети дека со техничка поддршка на француско-италијанскиот конзорциум Eurosam во Турција продолжува реализацијата на проектот за развој на национални системи за противвоздушна и противракетна одбрана. “С-400 ќе бидат произведени во Русија и ќе бидат доставени во Турција. Турција нема да има придонес во производството на ЗРК.
Потоа од Русија ќе пристигнат специјалисти кои ќе го обучуваат локалниот персонал да ги сервисира комплексите. Со тоа, Турција за прв пат ќе добие искуство при користењето на ЗРК со голем дострел, што не е произведено во земја од НАТО. Со добиеното искуство ние ќе можеме во иднина да ги одржување националните системи “, додаде експертот.