Антоновски е назначен со одлука на новите органи на агенцијата. По именувањето на новиот Надзорен одбор на МИА , од страна на Владата, вчера била организирана и првата седница, по што бил избран Управниот одбор кој го именува новиот главен и одговорен уредник и директор на МИА, Драган Антоновски.
Надзорниот и Управниот одбор се составени од професионалци новинари, актуелни и поранешни, како и дел од вработените новинари на МИА. Надзорниот го именува Владата, а Управниот е од редот на вработените новинари на МИА.
Драган Антоновски беше новинар во МРТВ, ТВ А1, Канал5, Сител, основач е на новинарскиот синдикат (ССНМ) каде ја извршуваше функцијата потпретседател, основач на Советот за етика (СЕММ) каде е претседател на УО, член на ЗНМ и основач на порталите „Реалити Македонија(2001)“ , „Локално(2013)“ и добитник на повеќе домашни и меѓународни награди за професионален пристап во новинарството и слободата на медиумите.