Персоналот на српската амбасада ќе биде вратен во Скопје денеска, 24 август, изјави српскиот министер за надворешни работи, Ивица Дачиќ, во телефонски разговор со македонскиот колега Никола Димитров. Двајцата се договорија и за средба меѓу себе.
“При отворен разговор во врска со последниот развој, Дачиќ информира дека персоналот на амбасадата ќе биде вратен уште денеска – 24 август во Скопје. Според постигнатиот договор меѓу премиерот Зоран Заев и српскиот претседател Александар Вучиќ и со цел зајакнување на пријателските односи, двајцата министри се договорија да одржат состанок во Ниш во петокот – 25 август, се вели соопштението на македонското МНР.
Разврската дојде по одржа денеска телефонски разговор меѓу македонскиот премиер Зоран Заев и српскиот претседател Александар Вучиќ.
Двајцата се договорија Македонија и Србија да работат за продлабочување и унапредување на билатералните односи, а секој проблем во односите меѓу нив да се решава само преку дијалог.
Разговорот стана императив заради подигнатите тензии меѓу двете земји по срамното решение на Белград да го повлече дипломатскиот персонал од Скопје.
“Премиерот Зоран Заев и претседателот Александар Вучиќ во подолг телефонски разговор разговараа за сите аспекти на новонастанатата ситуација”, се наведува во соопштението на Владата во Скопје.
Тие постигнаа согласност за следниве работи:
1. Република Македонија и Република Србија регулираат сите можни недоразбирања во нивните
односи исклучиво преку дијалог.
2. Независно од различните политички ставови во однос на некои важни политички и регионални
прашања, Македонија и Србија заедно ќе се борат за зачувување, но и за промовирање на
пријателските односи на македонскиот и српскиот народ, на граѓаните на Македонија и Србија.
3. Република Македонија и Република Србија ќе вложат уште поголеми напори за понатамошно
подобрување на економските односи и зголемување на трговската размена меѓу двете земји.
4. Република Македонија и Република Србија во согласност со одредбите на меѓународното право, со
добра волја и на пријателска основа ќе ги штитат правата и интересите на дипломатските и
конзуларните претставништва на сопствената територија.
Република Македонија и Република Србија ќе зајакнат контактите на највисоко ниво и меѓусебно ќе се
поддржат една друга на патот кон ЕУ, како и за зајакнување на добрососедските односи, што ќе
придонесе за стабилноста на регионот “, се вели во соопштението.
Исто така остро реагираче и македонската опозициона партија ВМРО-ДПМНЕ на тврдењата на српскиот претседател Александар Вучиќ дека “некоја македонска институција дала согласност на српскиот агент Горан Живаљевич да влезе во парламентот на Република Македонија за време на инцидентот на 27-ми април “. Тогаш во Народното собрание упадна толпа која претепа над сто лица, вклучувајќи го и сегашниот премиер Зоран Заев.
“ВМРО-ДПМНЕ, која во моментов е во опозиција, во рамките на своите можности го провери и го утврди следново: Ниту во Министерството за надворешни работи, ниту во Министерскиот совет, ниту во парламентот, ниту во МВР или Агенцијата за разузнавање не е постапувано на барање на Живаљевиќ или пак некој му давал согласност “, се вели во специјална порака на партијата.
Сепак во интервју за државната телевизија РТС Вучиќ изјави дека “Живаљлевич пред да влезе во парламентот прашал највисокиот претставник на извршната власт во Македонија”. “Овој Живаљлевич не отишол на своја глава. Тој не ме прашал мене или некој друг во нашата земја, без оглед на фактот дека е одговорен пред нас. Тој прашал највисок претставник на извршната власт на Македонија, директно го прашувал : Јас сакам да бидам таму. имате ли нешто против? Тие беа целосно свесни за тоа нешто “, рече тогаш уште Вучиќ.
ВМРО-ДПМНЕ ја повика владата исто така да провери дали има нешто слично и ако е така, да се објават документите со кои се дава согласност. Од таму нагласуваат дека мерките кои ги презема Србија и изјавите на српските политичари не кореспондираат со изјавите на македонските претставници и поради оваа причина јавноста треба да биде запознаена со сите детали.
Синиша Алексовски, советникот за безбедност на претседателот Иванов му дал дозвола за влегувањето на српскиот разузнавач во Собранието за време на на „крвавиот четврток“, а барањата на Живаљевиќ биле насочени кон кабинетот на претседателот, тврди српскиот разузнавач во изјава за Танјуг. Живаљевиќ вели дека неговите активности не биле тајни и дека властите знаеле за нив.
„Моето пријавување за активност таа вечер на 27-ми април, беше насочено кон самиот кабинет на претседателот, конкретно до советникот за безбедност. Мојата мисија не беше ниту тајна ниту пак не добронамерна. Дополнително, и македонскиот државен врв беше известен.Т оа лице знаеше за причините за мојот престој таму и за тоа беше известен“, вели Горан Живаљевиќ.
За кабинетот на претседателот Живаљевиќ ги извртува фактите, односно лаже. Тврдат дека неговото пријавување било на погрешна адреса и дека српскиот разузнавач неовластено влегол во законодавниот дом. Македонските служби велат не побарале услуга од него. Од кабинетот на Претседателот порачуваат и да не се злоупотребува името на советникот.
„Фактите говорат дека критичниот ден пред да влезе во Собранието на Република Македонија, Амбасадорот на Република Србија, односно дипломатот не побарал писмена или усмена дозвола од овластено лице и надлежен државен орган, туку откако го завршил дејствието известил за своите активности, со што не може да ја намали одговорноста за неовластен престој во Собранието на Република Македонија“, се вели во соопштението на кабинетот на претседателот Иванов.
Поотсетуваме дека меѓу Македонија и Србија се дојде до тешко тензии, откако властите во Белград изненадувачки во неделата го повлекоа во Белград целиот персонал од амбасадата во Скопје. Според Вучиќ причината била “разузнавачка офанзива против српските институции”.
Хронолошки првото тензии меѓу Скопје и Белград избувнаа откако српскиот претставник на тајни служби во амбасадата во Скопје Горан Живаљевич упадна во македонскиот парламент за време на “крвавиот четврток” на 27-ми април. Тогаш беа претепани над сто лица и демолирани простории на собраниската зграда. Меѓу нив беше и актуелниот премиер Зоран Заев. Веднаш потоа Горан Живаљеевич ја напушти Македонија, а амбасадор Душанка Дивјак- Томиќ беше повикана во македонското МНР.
Минатиот месец, Ивица Дачиќ го оцени како “грешка признавањето на Република Македонија под нејзиното уставно име од страна на властите во Белград”. Изјавата беше дадена за време на неговата посета на Атина.
На почетокот на месец јуни беше откриен таен извештај на македонската Дирекција за безбедност и контраразузнавање / Одделение за анализа /, кој бил испратен до директорот на “Дирекцијата за безбедност и контраразузнавање” Владимир Атанасовски. Од него се разјасни дека во последните 9 години Република Македонија е цел на моќна субверзивна, пропагандна и разузнавачка дејност од страна на руската амбасада во Скопје, руските разузнавачки служби, вклучувајќи и преку употреба на акредитирани новинари.
Целта била Русија да ја внесе Македонија во српско-грчки сојуз, а енергетските проекти имаат за цел тотално зависност и послушност на Република Македонија.
Во истечените документи детално се опишува и активностите на српските агенти во Република Македонија, а особено на скандалозниот дипломат Горан Живаљевич, вработен на српските тајни служби БИА, лидерот на српската партија во Македонија, Иван Стоиљковиќ, како и на пратеникот од партијата на српскиот претседател Александар Вучиќ Мирослав Лазански.