Групна изложба на ликовни уметници од Чешка и од Македонија насловена „Изминување на времето“ ќе биде отворена вечер во Изложбениот салон Империјал 2 во Културно-информативниот центар. 
На изложбата, која за посетители ќе биде отворена до 3 октомври 2017, ќе бидат претставени 33 дела на 12 автори од различни генерации кои творат во различни медиуми: сликарско, вајарство, графика, фотографија, плакат, видео, инсталација…
Учесници на изложбата се уметниците: Ленка Сарова-Малиска, Варвара Дивишова, Мариана Аласер, Михаел Поспишил, Карел Штаинер, Катерина Таневска, Глигор Васков, Андријана Мациев, Мирјана Крстева-Масети, Марјан Ѕин, Петра Јовановска и Рафаел Ристовски.
– Дадениот момент, времето, ги поврзува овие уметници и прави една симбиоза на нивните трудови ставени во еден простор во одредено време, соопшти КИЦ најавувајќи ја изложбата „Изминување на времето“.
Изложбата е финансиски поддржана од Министерство за култура на Република Македонија. Организатор и куратор на ликовниот проект е ликовниот уметник Петра Јовановска, во соработка со Амбасадата на Република Чешка и Културно-информативниот центар-Скопје./МИА