(Модели) Супермоделите од 90-тите заедно продефилираа во чест на Версаче

Џани Версаче, основачот на модната куќа Версаче беше убиен на скалите од својата куќа во Мајами во 1997 година. Оваа година се одбележуваат дваесет години од смртта на дизајнерот и по тој повод Донатела ја посвети ревијата во Милано на својот брат.

“Џани беше единствен. Беше среќен и секој ден го живееше со насмевка. Живееше неверојатен живот. Тој создаде неверојатни креации кои и до ден денес остануваат класика” – изјави Донатела Версаче

Освен винтиџ графиките и принтовите кои се обележје на модната куќа, Донатела ги собра и омилените супермодели на Џани на едно место.

На ревијата продефилираа Карла Бруни, Клаудија Шифер, Наоми Кембел, Синди Крафорд и Хелена Кристенсен.