Русија денеска ја лансираше својата ракета „Сојуз“, но неколку часа потоа изгуби со неа секаков контакт, јави SpaceNews.
Ракетата со сателит лансирана е од вселенската станица Восточни и е втора ракета лансирана од таму. Восточни, инаку е важен дел од руските планови за истражување на вселената.
Сателитот со кој е изгубен секаков контакт е важен дел од тој план. Се работи за метеоролошки сателит Meteor M2-1, а лансиран е со цел во мисијата предвидено да трае пет години, да собира податоци за климата и временските услови за државната метеоролошкаагенција.
Лансирањето на почетокот одеше по планот, но руската државна космичка корпорација Роскосмос соопшти неколку часа по лансирањето дека не може да го контактира сателитот Meteor-M.
„Во текот на првата планирана комуникациона сесија со вселенскиот брод не беше можно да се воспостави врска затоа што не ја достигна целната орбита“, соопшти Роскосмос.
Meteor M2-1 требаше да се одвои од ракетата која го носеше и да ја започне мисијата кусо по лансирањето, но тоа не се случи.
Според Interfax, руската вселенска агенција не знае каде се наоѓа таа сега.
https://www.youtube.com/watch?v=u6AvnXJar_c