Постои динамика и време за донесување одлуки, рече медијаторот на ОН во македонскиот спор околу името Метју Нимиц по состанокот со грчкиот министер за надворешни работи, Никос Коѕиас, во Атина.
Нимиц и Козијас разговараа за идеите што ги испрати медијаторот пред две недели, ја слушнаа позицијата на владата и рекоа дека се подготвени да постигнат договор за двете страни.
Имајќи предвид дека средбата е конструктивна, Нимиц рече дека грчката влада е искрена и активна во решавањето на проблемот.
“Мислам дека има импулс. Чекањето нема смисла тука, нема смисла кај северниот сосед, генерално нема смисла. Ние го разгледувавме ова прашање за 25 години, секој знае кои се проблемите. Време е за донесување одлуки “, рече Нимиц по средбата со Коѕијас, без да даде конкретен рок, нагласувајќи дека во наредните недели ќе има разговори и потоа ќе треба повторно да се процени ситуацијата.
Специјалниот пратеник на Обединетите нации во разговорите за името не сакаше да ги открие своите идеи и предлози до медиумите, велејќи дека не е добра идеја да коментираат за она што тој го предложил. Тој посочи дека некои од идеите веќе се појавија во медиумите, но истакна дека засега не може да разговара за тоа. “Двете влади можат да размислат за своите идеи или да се надеваат дека ќе користат некои од своите. Никогаш не давам конечни идеи, јас сум посредник, а не судија. Од моја страна, дадов идеи кои мислам дека се најдобри во моментот “, рече Нимиц.
По 40-минутната средба, медијаторот и шефот на грчката дипломатија ги продолжија разговорите на
работниот ручек.
Пред тоа, Нимиц се состана со Јоргос Кумуцакос, одговорен за надворешната политика во опозициската партија Нова демократија, но не беа изнесени изјави по медиумите.
Во меѓувреме, шефот на грчката дипломатија, говорејќи за грчката државната телевизија ЕРТ, откри дека Грција кон средината на февруари ќе и достави на Македонија нацрт спогодба со четири точки – предлози за името, иредентизмот, меѓународни и регионални односи на Македонија и мерки за позитивна агенда.
Како што јави дописникот на МИА од Атина, според Коѕијас, спогодбата која уште е во фаза на формулација, најпрво ќе и биде презентирана на грчката, а потоа на македонската влада, доколку биде прифатена ќе претставува основа за решавање на проблемот, ќе треба да добие зелено светло од парламентите на двете земји и ќе го отвори патот на Македонија до НАТО и ЕУ.
– Во оваа спогодба ќе бидат вклучени сите теми што се отворени во врска со името. Посебно поглавје за иредентизмот, но и за темите што се однесуваат на иднината на земјата, за нејзината интеграција во меѓународни организации и позитивна агенда, како можат дополнително да се развијат нашите односите, рече Коѕијас.
Тој, вчера, во однос на нацрт спогодбата, одговарајќи на прашањето на дописникот на МИА од Атина, посочи дека спогодбата нема да биде земи или остави и дека и другата страна ќе има можност да интервенира со свои предлози. Вели дека македонската страна е запознаена со идејата, меѓутоа содржината ја разработува Атина, додека пак за временскиот рок, кусо коментира „што е можно побргу“. За нацрт спогодбата, пак, рекол дека го известил и медијаторот Нимиц
Инаку, шефот на грчката дипломатија, потврди дека медијаторот доставил пет конкретни предлози, четири имиња на македонски јазик и едно Македонија (Скопје), додека пак во однос на грчките позиции рече дека според негово мислење името треба да биде сложено со терминот Македонија, „да не биде на англиски да биде на јазикот или јазиците на оваа земја, без превод“.
Од кабинетот на шефот на македонската дипломатија, Никола Димитров, пак, за МИА изјавија дека во пресрет на посетета на специјалниот пратеник Нимиц, јавното соопштување крајни позиции може да го намали просторот за разговори.
– Од наша страна има добра волја за заемно прифатливо решение кое ќе ги почитува интересите, достоинството и идентитетот на двата народа. За да дојдеме до решение ќе биде нужна добра волја и од другата страна, се наведува во реакцијата на македонското МНР на интервјуто на Коѕијас на државната телевизија ЕРТ
Посредникот на ОН од Атина денеска ќе пристигне во Скопје за дводневни разговори со македонското државно раководство.