Porsche претстави храбар план за развој и најави дека во следните четири години ќе инвестира над шест милијарди евра (7,5 милијарди долари) во електрификација, фокусирајќи се на plug-in хибриди, како и врз целосно електрични автомобили.
Оливер Блум, Главен извршен директор, откри дека половина од сумата ќе биде потрошена за инвестирање во материјали, како и трошоците за развој на технологија и производи од Порше.
Од вториот дел од големата инвестиција, повеќе од 500 милиони евра ќе бидат искористени за развој и проширување на мисијата Е. Околу една милијарда ќе бидат посветени на електрификација и хибридизација на сегашниот опсег на производи на Porsche.
“Неколку стотици милиони” се наменети за проширување на материјалните бази и околу 700 милиони евра – за нови технологии, станици за полнење и “паметна” мобилност.
Амбициозниот план на Порше ќе отвори дополнителни работни места, а досега се само 1.200 нови вработени кои работат за Мисијата Е.
Целосно електричната спортска верзија на Mission E ќе се радува на 600 КС и ќе овозможува забрзување од 0 до 100 км / ч за 3,5 секунди, а со едно полнење ќе може да помине до 500 километри. Полнењето на батериите ќе трае помалку од половина час . Plug-in Хибридот 911 пак се очекува да излезе на пазарот во 2023 година, но од Штутгарт не се ангажираат со развојот на електрична верзија на легендарниот автомобил барем во следните 10 години.