Ова покажува американска студија на Универзитетот Тодас / Сафолк, која беше направена по пукањето во Флорида минатата недела , при што загинаа 17 лица.

Од анкетата станува јасно дека едвај 38% од Американците ја одобруваат работата на претседателот на САД Доналд Трамп по случајот со оружјето, а 60% имаат спротивно мислење. Ова е најниско ниво на одобрување на Трамп во истражувањата на USA TODAY од преземањето на функцијата минатата година.

61% наспроти 33% сметаат дека построгите закони за поседување на оружје и проверките на купувачот ќе помогнат да се спречат масовните престрелки во САД. 63% наспроти 29% сметаат дека полуавтоматските пушки , како што е АР-15, употребени во пукањето на Флорида, треба да бидат забранети. 76% наспроти 12% сметаат дека на луѓето кои се лекуваат од ментална болест треба да им биде забрането да поседуваат огнено оружје.

Дури и сопствениците на оружје имаат тенденција да ги поддржат овие три мерки . Но, повеќето републиканци веруваат дека построгите правила нема да ги спречат масовните престрелки . Тие, исто така, се противат на забраната за полуавтоматско оружје.

И покрај консензусот за некои мерки, малкумина очекуваат Конгресот да усвои построги мерки за поседување оружје во догледна иднина. 19% велат дека шансите се одлични или добри, додека 76% се во спротивност.

28% од републиканците предвидуваат дека Конгресот ќе дејствува, додека кај демократите само 14%.

  58% наспроти 32 отсто од анкетираните веруваат дека во училиштата треба да има вооружен полицаец , а 62% наспроти 27% сметаат дека треба да има метал детектори на влезовите на секое училиште.
  Анкетата, која вклучуваше 1.000 луѓе низ целата земја,  а беше спроведена од вторник до сабота . Статистичката грешка е +/- 3%.