АктуелноПолитикаПрепорачаниСлајдерХроника

Приведен поранешниот директор на СОЗР

од Vladimir Zorba
137 прегледи

   Финансиската полицијата го привела Васе Доневски поранешен директор на Службата за општи и заеднички работи на Владата на РМ (СОЗР), објавија вечерва дел од медиумите.

Повикувајќи се на извори од Управата за финансиска полиција наведуваат дека Доневски е приведен и е на распит поради сомнежи за злоупотреба на службената положба за времето додека бил директор на службата.

Dоневски беше разрешен од страна на новата Влада уште во јули и на негово место беше назначен Пеце Мирчески од СДСМ.

Новиот директор Мирчевски, пак во неодамнешното гостување во емисијата „360 Степени“ на Алсат-М телевизија зборувајќи за одговорноста за пропустите на објектите во кои инвеститор била СОЗР, откри дека се водат истраги за претходното работење на службата.

 – Во изминатите неколку месеци откако сум директор на службата соработуваме секојдневно со Министерството за внатрешни работи, посебно со Одделот за организиран криминал, со Основното јавно обвинителство, со Специјалното јавно обвинителство, со Финансовата полиција. Не би сакал ништо да кажувам, бидејќи сепак има неколку постапки кои ги тераат овие органи, за да не го нарушам процесот на предистражна или истражна постапка, меѓутоа има интерес за дел од работите што се случувале претходно од овие органи. Тие прибираа документација и се надевам кога ќе ги приберат доказите ќе излеземе заеднички со информации што и како се случувало во претходниот период – рече Мирчевски без да прецизира дали се работи за истраги за објектите кои се соочуваат со проблеми, како што беше Државниот архив кој протекуваше.

Засега нема официјална информација од МВР за што точно се работи.

Од Управата за финансиска полиција и од МВР засега нема потврда за приведувањето поранешниот директор на СОЗР.

Од Управата за утре најавуваат прес-конференција на директорот Арафат Муареми, на која тој ќе информира за предмет кој се однесува на злоупотреба на службена положба и овластување од страна на поранешен функционер.