Германскиот министер за надворешни работи, Хаико Мас, апелираше до Германија да добие место во Советот за безбедност на ОН во 2019 и 2020 година , пренесе Дојче Веле. Берлин е подготвен да преземе поголема одговорност, изјави Мас пред ОН.

 

“Живееме во време кога има многу конфликти во светот, живееме во време кога сме се  повеќе во ОН, а не помалку, како што некои мислат”, рече германскиот дипломат.

Тој потсети дека Германија е втор најголем донатор на светската организација и втора по големина држава во однос на мировниците . Во 2017 година, придонесот на Германија во буџетот на ОН изнесува 3,4 милијарди евра, а во мисии се вклучени 1.300 германски мировници.

Советот за безбедност вклучува пет постојани членки (САД, Велика Британија, Франција, Русија и Кина) и десет непостојани членки. Секоја година, Генералното собрание на ОН избира пет непостојани членови за мандат од две години на географска основа.

Пет локации се определени за држави од Азија и Африка, едно – за земјите од Источна Европа, две – за Латинска Америка и Карибите и уште две – за држави од Западна Европа и други делови на светот.

Оваа година, барањата од Германија, Белгија и Израел беа поднесени за квотата од последната категорија земји .

Новите земји-членки на советот ќе бидат назначени на 8-ми јуни.

Германија традиционално ја поднесува својата апликација на секои осум години. Таа беше член на Советот за безбедност во 1977-1978, 1987-1988, 1995-1996, 2003-2004 и 2011-2012.