190
Вкусна салата со пилешко месо и зеленчук, која можете да ја користите и како оброк.
Потребни состојки:
4 компири
3 поголеми парчиња морков
300 грама кисели краставички
1 пиле (средна големина)
300 грама мајонез
200 грама кисела павлака
1 корен од целер
Подготовка:
Во тенџере на оган сварете ги пилето, морковите и компирите. Откако ќе се изладат одделете ги коските и кожата од пилешкото месо, потоа ситно исецкајте ги месото, компирот, морковот, киселите краставички и коренот од целер.
Посебно измешајте мајонез, кисела павлака, додадете малку лук во прав, сол и црн пипер, потоа вака приготвената смеса прелијте ја одозгора над месото и зеленчукот, се добро измешајте и послужете.