Европската комисија, денеска, го објави Извештајот за напредок на земјите од Западен Балкан и Турција. Македонија доби позитивна оценка и препорака за зaпочнување на преговорите со Европската унија.
Еврокомесарот за добрососедска политика и проширување Јоханес Хан изјави дека препораката се базира на направената длабока анализа, а ЕУ треба соодветно да одговори на тие напори.
Тој истакна дека политиката за проширување на ЕУ носи резултати, а земјите од Западен Балкан повторно ја потврдија својата европска иднина. Европската комисија, како што посочи, за тоа ги награди Македонија и Албанија со препорака за почнување на пристапните преговори.
Премиерот Заев повтори дека Владата останува фокусирана на реформите за остварување на како што рече следните заеднички остварувања. Истакна дека е оптимист дека во следните неколку недели може да се затвори и спорот со Грција.
„Имаме напредок во овој процес, возможно е во следните неколку недели да се најде решение, ние сакаме тоа да се случи пред самитот на ЕУ . Но сепак најважно е да се реши овој проблем кој е децениски и веројатно последното отворено билатерално прашање на Македонија, притоа секако водејќи грижа за достоинството и идентитетот на двете страни,“ изјави Заев.
Албанија е уште една земја на Балканот која доби позитивна оцена од ЕК која препорача отварање на преговори.
Според, Кнут Флекенштајн, известувач на Европскиот парламент за Албанија: „Земјата е влезена во процес на сеопфатна реформа на своето судство и силно ги нагласува своите европски амбиции и го поттикнува напредокот и на другите клучни приоритети. Понатаму, искуството на Албанија со оваа реформа ќе биде корисно и за другите земји во регионот. Јас сметам на Европскиот совет во јуни за понатамошно приближување на процесот на пристапување на земјата. Ова ја обврзува Албанија да го задржи своето ниво на амбиција и да се справи со преостанатите задачи без понатамошно одложување”.
Србија затвара 2 поглавја од вкупно 12. Бележи подобрување во исполнувањето на европските критериуми, но сепак треба да работи во подобрување на владеењето на правото, како и унапредување на дијалогот со Косово.
Европската комисија во Извештајот за напредокот на Црна Гора во предпристапните преговори со Европска унија наведува дека отворени се 30, а привремено се затворени три поглавија. ЕК наведува дека понатамошното напредување на Црна Гора ќе зависи од постигнување на видливи резултати во слободата на изразување и медиумите, борбата против корупцијата и организираниот криминал. Во Извештајопт се наведува дека Црна Гора продолжува да остварува напредок во правна и институционална рамка, но практичното влијание на реформите се уште не е доволно видливо, а исто така нема напредок во областа на слободата на изразување. ЕК препорачува и дека правосудниот систем на Црна Гора треба да покаже повеќе резултати.
„Напредокот во поглавијата на владеење на правото, демонстриран со видливи резултати, посебно во зајакнување на слободата на изразување и медиумите, како и докази во борбата против корупцијата и организираниот криминал, перењето на пари и трговијата со луѓе и натаму ќе го одредуваат темпото на пристапните преговори“, се наведува во Извештајот.
ЕК истакнува дека забележан е напредок во законодавството поврзано со јавниот сектор, напредок во зајакнување на макроекономската и финансиската стабилност и почетокот на примена на среднорочна стратегија за фискална консолидација. Но, во Извештајот се предупредува дека јавниот долг е висок и постојано расте.