Македонскиот парламент гласаше за поддршка на започнувањето на процесот на промена на името на земјата на Северна Македонија – важен чекор кон завршување на деценискиот спор со Грција, која ќе ја отвори вратата кон пристапувањето во ЕУ и НАТО, пишува “Гардијан”.
Вкупно 80 пратеници во 120-члениот парламент гласаа “За” промена на името на малата балканска држава во Република Северна Македонија – достигнувајќи двотретинско мнозинство потребно за уставните измени. Овој потег може да му помогне на Скопје во стремежот кон пристапување кон НАТО и ЕУ, долго блокиран од Атина, која тврди дека “Македонија” има територијални претензии кон грчка провинција со истото име. Двете земји постигнаа договор за промена на името во јуни. Но, пречките остануваат пред името да биде официјализирано.
Пред неколку недели пропадна консултативниот референдум за Договорот од Преспа, бидејќи гласањето не можеше да помине 50 отсто праг на излезноста што остави на парламентот во Скопје да го реши проблемот.
Процесот на измена на уставните измени е доста долг и бара неколку рунди на гласање, при што гласањето во петокот е само првиот чекор. Постапката најверојатно ќе биде завршена во јануари – најрано. ”
Денес е историски ден за земјата”, рече премиерот Зоран Заев. “Македонија ќе биде дел од европското семејство. Нашите соништа и аспирации за подобар живот во подобра земја ќе се остварат “.
Откако Македонија официјално го промени својот устав, грчкиот парламент, исто така, ќе мора да гласа за договорот.
Министерот за одбрана Панос Каменос, кој ја предводи мала десно центристичка партија која ја поддржува владата при законските решенија, се закани дека ќе ја напушти коалицијата ако Грција официјално го одобри договорот.
“Ексклузивен ден за демократија во Скопје”, напиша Јоханес Хан, комесарот за проширување на ЕУ, на својот профил на Твитер.
Русија и САД разменуваа обвиненија за мешање во внатрешните работи на Македонија. Минатиот месец Вашингтон ја обвини Москва дека спроведува фејк кампања, за да пропагандистички го наметне јавното мислење против договорот пред референдумот за промена на името. Русија, која се противи на влезот на Македонија во НАТО, во четвртокот одговори. “Има постојани и блескави интервенција на САД и ЕУ во внатрешните работи на Скопје, на ниво кое веќе ги надмина секаквите прифатливи граници на нормала”, се вели во изјавата руското МНР.