Јапонски научник: Сладоледот ја зголемува интелигенцијата

Јапонскиот научник Јошихико Кога, професор на токискиот Универзитет „Кјорин“, тврди дека ќе станете поинтелигентни, ако секое утро јадете по три лажици сладолед. 

Своето тврдење тој го поткрепува со истражување и со конкретни резултати.

Во рамки на помала студија, испитаниците секое утро морале да изедат по три лажици сладолед, а потоа со помош на компјутер имале задача да изработат низа ментални вежби.

Професорот Кога тврди дека лица кои јаделе сладолед имале многу побрза реакција и подобро ги процесуирале информациите од групата која не земала од овој десерт.