Корејската компанија „Samsung“ планира на почетокот од следната година да претстави нови модели на мобилни телефони од серијата „Galaxy S“. За разлика од актуелните „Ѕ9“ и „Ѕ9+“, моделот „Ѕ10“ ќе има три верзии, од кои две ќе имаат закривен, а една рамен екран.
Големината на екранот не би требало да се разликува од моделите на „Ѕ9“-серијата. Така, помалите модели ќе го задржат екранот од 5,8 инчи, а поголемите ќе имаат дијагонала од 6,2 инчи. Моделот со рамен екран се очекува да има екран од 5,8 инчи.
Во однос на екраните, треба да се наведе и дека за новата „Galaxy S10“ линија, „Samsung“ подготвува нова генерација на „OLED“ -екрани за кои се користи работниот назив „M9“. Според изворите, за изработка на „M9“-екраните се користат нови форми на органски материјали, од кои некои ќе бидат набавени и од нови фабрики – црвените ќе ги испорача американската „Dow Chemical“, а сините материјали „SFC Chemicals“, исто така од САД.
Со тоа без ангажман остануваат „Duksan Neolux“ (црвени) и „Idemitsu“ (сини), кои ги обезбедуваа наведените материјали за производство на органски светлосни диоди во „М8“-екраните користени кај „Ѕ9“, „Ѕ9+“ и „Note 9“. Зелениот материјал за изработка на „OLED“-екраните ќе продолжат да го обезбедуваат „Nippon Steel“ и Samsung SDI“.