Индиските власти соопштија денеска дека влезниците за Таџ Махал, ќе бидат пет пати поскапи за индиските туристи, за да се намали бројот на туристи и да се намалат штетите на најпосетеното место во Индија.
Влезницата за Таџ Махал од 50 рупии (0,7 долари) зголемена е на 250 рупии за Индијците кои се најбројни на дневно ниво како посетители. Таа градба дневно ја посетуваат 15.000 луѓе од кои 10.000 домашни туристи.
Картата за странци е зголемена од 16 на 19 долари.
Таџ Махал се наоѓа близу Агра, 200 километри јужно од Њу Делхи, а секоја година го посетуваат неколку мулиони туристи и претставува незаобиколен дел од секоја посета на странски дипломати.
Властите се жалеа дека имаат проблеми со голем број туристи и дека поради заштита на споменикот одлчено е со зголемување на цената да се намали бројот на посетителите.
Таџ Махал се смета за врвно остварување на могулската архитектура, стил кој комбинира елементи од персиските, индиските и исламските архитектонски стилови. Таџ Махал во 1983 година стана споменик на светско културно наследство како „бисер на исламската уметност во Индија и еден од универзално признатите ремек-дела на светското наследство“.
Изграден е меѓу 1631 и 1654 година, го граделе 22.000 луѓе. Шахот Џан наредил изградна на тој мавзолеј за својата омилена жена, Арџуманд Бано Бегум, која е попозната како Мутаз Махал.