Во текот на 2018 година просечниот корисник на својот смартфон потрошил околу 36 дена. Тоа се резултати од истражувањето на eMarketer и се однесуваат на САД, но оваа статистика лесно може да се копира и за Европа и за остатокот од светот.
Просечниот жител на САД дневно троши по 2 часа и 23 минути на својот паметен телефон. Ако на тоа се додадат таблетите и другите уреди, тогаш добиваме дневен просек од 3 часа и 36 минути дневно, што е ендакво на 36,4 дена годишно.
Ако се земе предвид дека ова е само просек, поединците чиј живот е целосно на Интернет или е тесно врзан за паметниот телефон ќе имаат значително повеќе часови на телефон. Доколку ве плаши оваа статистика, спасот, колку и да е иронично, е во многубројните апликации кои го следат времето поминато на Интернет и ве предупредуваат ако претерате.