Многу вкусен ароматичен намаз кој може да го намачкате на парче леб или пак да го користите како додаток на некое сочно парче месо …
Потребно е:
5 моркови
3 чешниња лук
3 лажици маслиново масло
100 г фета сирење
1 лажица мелен ким
4-5 листови свежо нане
2 лажици мед
сок од 1/2 лимон
сол, бибер
Подготовка:
– Морковите излупете ги и сварете ги во солена вода.
– На маслиново масло кратко испржете ги сецканото лукче и мелениот ким колку да замирисаат. Тргнете ги на страна и оставете да се излади.
– Варените моркови исцедете ги и оставете ги да се изладат.
– Во блендер ставете ги изладените моркови, додадете го испрженото лукче со ким, потоа издробеното фета сирење, сок од лимон, листовите нане и медот. На крај посолете и додадете бибер, по вкус.
– Убаво изблендирајте ги сите состојки додека да добиете хомогена смеса.
– Пред да го послужите ставете го во фрижидер да се излади убаво.