Топла кремава чорба!
Потажите се одлично предјадење, токму поради својата густа структура и голема количина на витамини
Пробајте го овој вкусен потаж од морков и ѓумбир, богат со витамин А и бета-каротен.
Потребни состојки:
450 грама излупени и исечкани моркови
2 лажици растително масло
1 главица ситно сечкан кромид
помало парче ѓумбир, излупено и исечкано
1 компир
1 коцка за пилешка супа, растопена во половина литар вода
Приготвување:
Загрејте масло во големо тавче. Пропржете ситно сечкан кромид додека не омекне. Додајте ситно сечкан компир и ѓумбир и динстајте неколку минути.
За тоа време, стопете ја коцката за пилешка супа во половина литар вода. Потоа, во водата додајте ситно сечкани моркови и загревајте 20-тина минути, додека не омекнат морковите.
Потоа, ставете го сиот зеленчук во блендер и мешајте додека не добиете густа смеса. Вратете го потажот на тивок оган, зачинете со сол и бибер по желба, па промешајте го потажот за да се соединат сите состојки.
Послужете го топол, украсен со свеж коријандер.