Централната банка на Венецуела минатата година продала 73 тони злато од националната резерва, објавија локалните медиуми, наведувајќи ги информациите од парламентот на земјата, во кој доминира опозицијата. Вкупната вредност на овие 73 тони изнесува околу 2,5 милијарди долари .

Според зборовите на пратеникот Карлос Папарони, златото се продало  на Обединетите Арапски Емирати и Турција.

Претходно, беше објавено дека Николас Мадуро и неговата придружба ја продале златната резерва за да им  бидат достапни  евра.

Наскоро се очекува дека парламентарниот комитет за финансии и економски развој ќе ги објави компаниите во кои централната банка на земјата продала злато.

Папарони истакна дека договорите се склучени со нелегална влада која ја ограби земјата и ги предизвика нејзините луѓе да страдаат и глад.

“Ние ќе продолжиме да вршиме притисок да ги заштитиме имотите на венецуелците, тие нема да украдат повеќе ни  пени” . “напишал пратеник во Твитер.

Минатата недела беше објавено дека рускиот авион кој пристигнал празен од Каракас во Москва, најверојатно, однел  во Русија 20 тони злато од златните резерви во Венецуела.

Авионот – Boeing 777, е во сопственост на руската компанија Nordwind Airlines. Не беше дадена официјална информација за целта на неговиот лет. Кремљ тврди дека не знае ништо за случајот. Банката на Англија одби да му даде пристап  на Мадуро  до златните  резерви на Венецуела.