Нетфликс ги доби филмските права за романот “Сто години самотија” напишан од носителот на Нобеловата награда за литература Габриел Гарсија Маркес и ќе го претвори во шпански серијал.
Родриго Гарсија и Гонзалдо Гарсија Барча – синовите на колумбискиот автор ќе бидат “извршни продуценти на серијата, кој ќе биде снимен главно во Колумбија”, изјавија во изјавите од стриминг платформата.
“Сто години самотија” се смета за ремек-дело кое ја дава основата на жанрот на “магичен реализам”. Романот е објавен во 1967 година и следи седум генерации од родот Буенди кој живее во измислениот колумбиски град Макондо.
“Со децении татко ни одбиваше да ги продаде филмските права на книгата зашто веруваше дека таа не може да биде раскажана за време на еден филм или да биде создадена на јазик различен од шпанскиот”, изјави Гарсија.
Но во денешните златни времиња на серијали и со квалитетните сценаристи и режисери, како и со одобрението од светската публика кон програми на странски јазици, времето не може да биде подобро”, рече тој.
“100 години самотија” е преведена на 46 јазици, а околу 50 милиони примероци се продадени низ целиот свет.
Дел од најзапаметените дела на Маркес се за “Љубов во време на колера”, “Дванаесет аџиски приказни”, “Хроника на една најавена смрт” и “За љубовта и другите демони”. Колумбискиот писател умре на 14 април 2014 година на возраст од 87 години.