И покрај бројните сигнали, кои укажувале дека Трамп е во проблеми, пишува „Њујорк тајмс”.
Весникот интервјуирал повеќе од 20 поранешни и сегашни директори и членови на управниот одбор на Дојче банк, со цел да обезбеди подобар увид во историјата на односите на Трамп со германскиот кредитор и да го открие начинот на кој Трамп речиси две децении успевал да обезбеди финансирање од таа германска банка и покрај неговите банкроти, додека во исто време, други кредитори го сметале за ризичен клиент.
Написот во „Њујорк тајмс” е објавен непосредно откако двата најголеми германски кредитора, Дојче банк и Комерцбанк, потврдија дека се во преговори за спојување, што придонесе за скок на нивните акции.
Според „Њујорк тајмс“, Трамп, во одредени околности, го предимензионирал своето богатство, а на банкарите им ветувал дека ќе ги награди со бесплатни викенди во неговиот приватен клуб во Палм Бич, Флорида, со цел да добие кредит.
Со текот на годините, Трамп користи кредити од Дојче банк за изградба на облакодери и други луксузни недвижнини. За германската банка, односот со Трамп бил клучен во креирањето на нејзиното инвестициското банкарско работење, се вели во извештајот.
Дојче банк, „Организацијата Трамп“ и Белата куќа не го коментираа написот на „Њујорк тајмс“. Американски медиуми потсетуваат дека односот на Трамп со Дојче банк неодамна се најде под лупа во САД.
Имено, Канцеларијата на државниот обвинител во Њујорк, Комитетот за разузнавачка контрола и Комитетот за финансиски услуги во Конгресот ги разгледуваа финансиските врски на претседателот со таа германска банка.