Не е лесно за ѕвездите да се здобијат со слава и да го задржат своето здравје. Има долга листа на уметници кои се соочуваат со психолошки проблеми по нивниот професионален ангажман, вклучувајќи ја и Софи Тарнер.
Ѕвездата од серијата “Игра на престоли” одлучи да земе пауза од својата актерска професија, за да се погрижи за менталното здравје, соопшти World Entertainment News Network.
23-годишната Тарнер призна на телевизија во предавањето на д-р Фил дека уште се опоравува, но ќе учествува во промоцијата на последната сезона на “Игра на престоли” и филмот “X-мен: темниот феникс”, кој ќе излезе на екраните во јуни.
Потоа таа може да продолжи со паузата. Глумата не е приоритет за Софи Тарнер. Таа сонува да студира во полициска академија и да стане полицаец.
“Злосторствата се многу интересни за мене – зошто луѓето го прават тоа, процесот на испрашување, како можете да ги натерате луѓето да признаат со зборови”, рече Софи Тарнер.
Софи Тарнер планира свадба со пејачот Џо Џонас оваа година. Таа му се заблагодари на нејзиниот свршеник поради тоа што ја спаси од депресијата што ја претвори во несамоуверен човек кој не сакаше да ги види нејзините пријатели.