Англискиот фудбал има историска сезона. По импресивната битка за титулата во домашниот
шампионат, Премиер Лигата, исто така, постигна неверојатен успех и на европските турнири.
Две целосно англиски финалиња ќе стават точка во сезоната. По незаборавните пресврти и
промени што ги направија, Ливерпул и Тотенхем ќе спорат за трофејот во Лигата на шампионите (1
јуни во Мадрид). Арсенал и Челзи пак се финалисти во Лигата на Европа (29 мај во Баку).
Кои се бројките и фактите зад овие историски резултати?
1 – За прв пат во историјата, четири екипи од една земја ќе играат во финалето на двата водечки
европски клупски турнири.
3 – Три екипи од Лондон ќе спорат во две финалиња.
4 – Менаџерите на четирите екипи се од четири различни земји, но нема Англичанец. Јирген Клоп е
Германец, Маурисио Почетино е Аргентинец, Маурицио Сари е Италијанец, додека Унаи Емери –
Шпанец.
7 – Ова е седмото финале во Лигата на шампионите, кое спротивставува тимови од иста земја. По
втор пат, Англија има две екипи во финалето (по 2008 година, кога Манчестер Јунајтед го победи
Челзи). Во најмногу наврати (3) Шпанија има две екипи во решавачкиот натпревар.
8 – Тотенхем е осми англиски тим кој се квалификува за финалето на Лигата на шампионите (пред
Купот на европските шампиони). Другите се Арсенал, Астон Вила, Ливерпул, Лидс, Манчестер
Јунајтед, Нотингем и Челзи.
10 – Ова е десетти случај каде тимови од иста земја ќе спорат за трофејот во Лига Европа
(претходно Куп на УЕФА). По втор пат англиските екипи се во финалето по првата сезона во
турнирот во 1971-72 кога Тотенхем го порази Вулверхемптон. Италија е рекордер, откакочетири
тимови од Серија „А“ биле финалисти.
12 – Вкупниот број трофеи што ги освоија овие англиски тимови на двата водечки турнири (Лигата
на шампионите и Лигата на Европа). Ливерпул е петкратен европски шампион и три пати
триумфираше на вториот по сила клупски турнир на Стариот континент. Арсенал не освоил ниту
еден од двата турнири.
103 – Бројот на голови што четирите англиски тимови го постигнаа на патот до финалето оваа
сезона. Челзи има 32, Арсенал е 29, Ливерпул е 22 и Тотенхем 20.
4.460 – Толку е и растојанието во километри од Баку до Мадрид, каде ќе се одиграат двете
финалиња.