Специјални пратеници на претседателите на САД и Русија, Доналд Трамп и Владимир Путин ќе ги измерат силите во Белград, каде што ќе биде епилогот на приказната за Косово, но и на војната на големите сили за тоа кој ќе добие предност над Балканот, пишува денеска белградскиот српски Телеграф.
Изданието пишува дека откако пристигнала потврда лично од Путин дека Александар Боцан-Карченко, дипломат задолжен за најтешките задачи, кој пред десетина години, беше вмешан во решавањето на косовското прашање, пристигнува во српскиот главен град, одговорот на Трамп не задоцни.
Весникот пишува дека американскиот амбасадор во Белград, Кајл Скот би требало да биде заменет од заменик-амбасадорот во Москва, Ентони Годфри, човек кој со години е посветен на најчувствителните прашања на американско-руските односи, што според оценката на Телеграф зборува за колку овој пост е важен за Белата куќа.
Информациите велат дека за Годфри се вели дека е главен човек во Москва, додека амбасадорот е само фигура. Добро информирани извори на српскотоиздание потврдуваат дека воопшто не е случајно што во Белград пристигнуваат двајца моќни дипломати кои ја имаат поддршката на Путин и Трамп за решавање на сите прашања на Балканот.
Истите извори додаваат дека Ботсан-Карченко и Годфри се луѓе кои се испраќаат во кризни региони и таму каде што се среќаваат интересите на нивните земји со други светски сили.