По 14. пат, традиционално во Скопје ќе се одржи најголемиот македонски вински фестивал. На „Скопје вајн експо“ (Skopje Wine Expo) посетителите ќе имаат можност да уживаат во најдобрите македонски вина, деликатеси и богата музичка програма, соопшти организаторот.
Фестивалот ќе се одржи од 26 до 28 септември на платото пред МОБ ( Плоштад „Мајка Тереза“) и ќе настапат: Ефто Пупиноски и Блага Петреска, „Тропико Бенд“, „Слаткаристика”, „Ареа“, Тоше Проески Трибјут ( Александра Јанева и Марко Логаут), „Нокаут“, Криско и Графа од Бугарија, „Либеро Бенд“ и многу други. На фестивалот ќе има дегустација на сортни вина, голем избор на гурмански специјалитети, вински коктели како сангрија и вино мохито и забави кои ќе започнуваат од 18:00.
Фестивалот се одржува под покровителство на Град Скопје, а посетителите ќе имаат можност да уживаат во македонските вина, гурмански специјалитети, но и музика за сите вкусови.