Орце Камчев, кој денеска сведочи во судот за случајот „Рекет“, изјави дека случајот го пријавил и кај екс директорот на УБК, Горан Николовски кој го посоветувал сите докази да ги однесе кај јавната обвинителка Вилма Рускоска.
Случајот „Рекет“ го пријавив кај поранешниот директор на УБК, Горан Николовски. Тој ме посоветува да ги чувам сите докази и дека единствена личност на која може да и верувам е обвинителката Вилма Рускоска, сведочи Камчев.
Претходно тој изјави дека случајот „Империја“ бил конструиран во август 2018. Боки 13 во неколку наврати му укажувал преку понуда за бизниси дека се отвора предмет, кој според Камчев е конструиран од Боки 13.
Од Јовановски сведокот добил понуда за пи-ар реклама, Камчев му понудил 50.000 евра на што Боки 13 се навредил за висината на сумата.
Во својот исказ Камчев рече дека потоа Боки 13, заедно со третообвинетиот во „Рекет“, Зоран Милевски-Кичеец, кој ја призна вината и беше осуден на три години затвор, му понудил бизнис за отворање фешн молови.
На договорот, кој го понудил Боки 13 на крајот бил потпишан синот на Катица Јанева, но Камчев го одбил.
Според неговиот исказ му била понуден друг проект за пензионерски домови, а на тој состанок му побарал четири милиони евра.
И.Р.
Фото: Борче Поповски.