Близначиња се првите бебиња во 2020 година во Скопје

На една минута по полноќ на Клиниката за гинекологија и акушерство во Скопје на свет дојде првото бебе родено во 2020 година, девојче, а две минути подоцна се роди и нејзиното братче.

„Утрово, на Универзитетската Клиника за гинекологија и акушерство во Скопје, се родија првите бебиња, две близначиња во 2020 година. Првото е женско, родено во 00:01, а второто е машко и е родено во 00:03 часот. Да се живи и здрави! На родителите им посакуваме убава, среќна и бериќетна година, информира Министерството за здравство“.