Првообвинетиот во случајот Рекет, Бојан Јовановски по завршувањето на сведочењата пред судот изјави дека се чуствува како „заложник на мрачните политички сили“.
Тој го извести судот за неколку околности, кои се однесуваат на неговата позиција и за работи за кои го информирал судот претходно.
– Само ќе кажам дека од ден на ден мојата здравствена состојба се влошува и мојата одбрана побара меѓународна помош. Се чуствувам дискриминирано и се кршат моите права. Се чуствувам како најобесправено лице во оваа држава. Се чувствувам како заложник на мрачните политички сили. Пред овој суд сакам да поднесам кривична пријава за Вилма Рускоска. Имам несоборливи докази и не ме замолчувајте во име на вистината, посочи Јовановски.
Судењето ќе подолжи утре со изведување на материјани докази.
И.Р.
Фото: Борче Поповски