Филипче: Државјани на Австралија и Сингапур со симптоми на коронавирус изолирани во хотел во Скопје

Министерот за здравство, Венко Филипче на денешната пресконференција потврди дека двајца странски државјани се изолирани во хотел во Скопје.

– Двајца странци сместени во еден хотел во центарот на градот, едниот од Австралија, другиот од Сингапур, кои пристигнале на 28-ми февруари, изминатите три дена имаат симптоми слични на настинка. На лице место се епидемиолози, земени се брисеви, во следниве 3-4 часа ќе известиме и ќе превземеме соодветни мерки. Тие за сега ќе останат во хотелската соба каде се сместени, објасни Филипче.