153
Грчката полиција спречи 1.646 мигранти да влезат во грчката територија во последните 24 часа.
Уапсени се двајца мажи, еден од Египет и еден од Мароко, пренесува грчкиот весник „Катимерини“.
Десетици илјади мигранти се обидуваат да ја преминат турско-грчката граница, откако Турција на 28 февруари изјави дека повеќе нема да ги задржува мигрантите и бегалците на нејзина територија, како што е инаку предвидено со договорот Анкара-ЕУ од 2016 година, пренесува Танјуг.
Турскиот претседател Реџеп Таип Ердоган вчера ја повика Грција да ги отвори границите за да можат мигрантите да тргнат кон ЕУ.