На редовниот самит на Европската Унија вечерва европските лидери ја потврдија одлуката за отворање на пристапните преговори со С. Македонија и Албанија.
Европските лидери состанокот го одржаа онлајн, а главна тема беше коронавирусот.
„Ги прифаќаме заклучоците на Советот од 25 март 2020 за проширувањето и процесот на асоцијација и стабилизација“, се вели во соопштението од денешниот самит на лидерите на ЕУ.
Веста ја потврди и Еврокомесарот за соседство и проширување Оливер Вархеји на Твитер, кој додаде дека ќе се почне со работата на преговарачката рамка, додека реформите во двете земји продолжуваат.
Tonight #EU leaders endorsed opening of accession talks w #Albania & #NorthMacedonia + confirmed at highest level new approach to #EUenlargement. We start our work on negotiating frameworks, while I know reforms in both countries continue. Future of #WesternBalkans is in the EU. https://t.co/NUHhNzjOLL
— Oliver Varhelyi (@OliverVarhelyi) March 26, 2020
Премиерот на Хрватска, Андреј Пленковиќ која е претседавач со Советот на ЕУ вечерва на Твитер напиша дека се задоволни од потврдата за отворање на пристапните преговори со Северна Македонија и Албанија.
„Тоа покажува дека ЕУ останува насочена на своите приоритети во тешки околности“, сподели Пленковиќ.