Филипче: Издржете, ќе ја пребродиме оваа криза и ќе излеземе посилни

„Ова се дел од моите колеги кои неуморно работат на пунктовите за тестирање. Од нив зависи јавното здравје, од нив зависат нашите животи“, пишува министерот за здравство на својот Фејсбук профил.

„Одговарајте точно на прашањата на лекарите и епидемиолозите – со тоа го штитите вашето, но и нивното здравје.

Оваа борба зависи од секој од нас. Сега, како никогаш досега, треба да покажеме одговорност.

Им благодарам на сите колеги кои го вложуваат целиот труд. Им благодарам на сите граѓани кои доследно ги почитуваат препораките и мерките.

Издржете, ќе ја пребродиме оваа криза и ќе излеземе посилни“,додава тој.