Уште петмина починаа во Србија, над 300 новозаразени

Од Кризниот штаб во Србија денес објавија дека уште пет лица починале од коронавирус.

Според последните информации, во Србија, коронавирусот е потврден кај уште 324 лица, со што вкупниот број заразени е 6.318.

Во последните 24 часа беа тестирани уште 2.673 лица, од кои 324 го потврдија присуството на вирусот. Досега се тестирани 36.701 лица во Србија.

Во моментов има 120 лица на респиратори, а 753 лица се излечени до денес.

Србија е во најдолгиот полициски час досега, што започна во 17 часот во петокот и трае до 5 часот во вторник.