Филипче: Предлагаме пакет на мерки, скратување на полицискиот час оди заедно со мерката за носење на маска

Сите предлози стигнуваат од Министерството за здравство како форма на препорака од Комисијата за заразни болести кои што целиот овој период што измина ги темели сите свои предлози, сугестии и препораки врз база на анализите кои се прават на бројот на новодијагностицирани пациенти, изјави министерот за здравство Венко Филипче во емисијата „Топ тема“.

-Не станува збор за зголемување или намалување на часовите, туку предлагаме пакет на мерки. Постарите се одвоени од помладите и тоа е една мерка. Скратување на полицискиот час оди заедно со мерката за носење на маска, односно заштитна покривка на устата и носот, изајви Филипче.