Германските лекари постигнаа голем успех во потрагата по лек за коронавирусот, бидејќи тие успеаја да го докажат постоењето на антитела кои го спречуваат вирусот да навлезе во клетките.
– Ова е јасен напредок што покажува дека ние сме на вистинскиот пат кон развој на лек за „Ковид-19“ – објасни Лука Цицин-Саин од центарот Хелмхолц за истражување на заразни болести во Брауншвајг.
Цицин-Саин и неговиот тим анализирале 6.000 различни вештачки изработени човечки антитела.
Во оваа пригода, тие пронашле повеќе од 750 антитела кои „се приврзуваат“ на вирусот корона, што е предуслов за успешна борба против него.
Ефикасноста на антителата сега ќе биде тестирана, а целта на научниците е да најдат лек што би можел тешко болните корона пациенти да можат да бидат акутно лечени.
„Принципот на кој работиме е т.н. пасивна имунизација“, објасни Штефан Дибел од Универзитетот за технологија на Брауншвајг.
Потрагата по најдобар кандидат за антитела за подоцнежен лек треба да продолжи до средината на јуни, рече Томас Ширман од биотехнолошката компанија Јумаб, која е вклучена во проектот.
Целта на научниците е до есен, првите пациенти со Ковид-19 да можат да се лекуваат со нивниот лек.