Грчкиот кошаркар Јанис Адетокумбо би сакал да игра во НБА пред да ја заврши кариерата.
Тој веќе 11 години е член на Милвоки Бакс, со кој ја освои титулата во 2021 година, но не исклучува враќање на Стариот континент.
„По квалификациите за Олимписките игри, седев со Танасис и ги гледав резимето на натпреварите. Му реков дека навистина уживам да играм во Европа и го прашав дали мисли дека ќе можам да играм таму за пет или седум години“, изјави Адетокумбо за „Спорт24.гр“.
Тој смета дека во Европа би ја добиле неговата подобрена верзија.
„Во НБА годишно добивам 82 натпревари, речиси секој ден. Во Европа би бил поефикасен. Мечевите се пократки и играта е тактички поодговорна, би имал можност повеќе да се движам без топка. Исто така, играв со големи плејмејкери како Ник Калатес, Томаш Вокап и Василис Толиопулос, кои често ме наоѓаа без да ме бараат“, додаде Адетокумбо.
Се осврна и на приказните дека во НБА нема одбрана.
„Тоа едноставно не е точно. Бев најдобар стрелец на Евробаскет 2022 и на Олимписките игри во 2024 година. Ако таму се игра одбрана, што ви кажува тоа за Адетокумбо? Играчите во НБА се поталентирани офанзивно. Имаат одлични атлетски способности, интелигентни се и одлично ја читаат играта. Овде одбраната се игра индивидуално бидејќи сите играчи на теренот се способни да го закопаат кошот за вас, додека одбранбениот сегмент од играта во Европа е повеќе ориентиран кон целиот тим. Видов и дека Саша Везенков во едно интервју изјави дека во НБА така се игра одбрана“.
Проблемот може да биде високиот приход на Адетокумбо.
„Точно е дека овде заработувам многу пари, но дефинитивно би бил отворен за враќање во Европа доколку некој тим ми обезбеди слични услови. Би бил поблизок со семејството, израснав учејќи го тој стил на кошарка. Засега секако сум член на Бакс, го освоивме купот и одлично ни оди“, заврши Јанис.