81
Коалициските партнери во Владата деновиве ќе имаат средба на која треба да договорат некои детали од реконструкцијата која ја најави премиерот, Зоран Заев, во време на изборна кампања.
Вицепремиерот, Бујар Османи, потврди дека таква средба е договорена.
-Прашањето на новите имиња се наметнува и поради новиот закон за Министерство за политички систем и односи меѓу заедниците. Ова Министерство ќе биде формирано поради што мора да има именување. Премерот најави во делот министри на СДСМ дека ќе има смени. Деновиве коалициските партнери ќе имаат средба и ќе разговараат за понатомошниот тек на Владата во целина, но и министерствата поединечно – рече Османи за Канал 5.