Менаџерот на Тотенхем, Анже Постекоглу, верува дека ако неговиот тим на Божиќ биде на десеттото место во Премиер лигата, тој нема да има гаранции дека ќе ја задржи работата, објави Ројтерс. Поразот на гостувањето кај Манчестер Сити уште еднаш ќе го постави прашањето за замена на Австралиецот.
59-годишниот менаџер го одведе Тотенхем до петтото место во неговата прва сезона на чело, но по импресивниот почеток на тековната кампања, тимот падна многу поени во последните 10 лигашки натпревари. Тимот последен пат загуби од Ипсвич на домашен терен со 1:2.
Тоа ќе биде клучен дел од сезоната. Ако сè уште сме десетти на Божиќ, очигледно луѓето нема да бидат среќни, но можеби нема да бидеме на ова место“, изјави Постекоглу пред новинарите.
„Да победевме против Ипсвич, ќе бевме трети и оваа прес-конференција ќе беше многу поинаква, нели? Нема да дозволам мојот живот да се дефинира со еден резултат“, порача тој. „Морам да ја поправиме ситуацијата. Ако на Божиќ сме десетти, нема да биде добро и нормално е да има гласини за мојот пост“, смета стручњакот.
Сепак, тој е на мислење дека неговиот тим напредувал во 50-те натпревари од неговото преземање. Тимот играше атрактивен фудбал на моменти во текот на сезоната и постигна победи против Манчестер Јунајтед, Астон Вила и исто така го победи Манчестер Сити за да стигне до четвртфиналето на Лига купот.
„Нема да ги променам моите принципи. Но, во исто време мислам дека понекогаш мора да се прилагодиме“, додаде тој.
„Каде сме по овие 50 натпревари? Господ знае само. Можеше да биде и полошо, но ако видите каде сме сега, не е добро. Го разбирам тоа и ќе се обидеме да се подобриме. Мислам дека, сепак, во овие игри покажавме напредок како тим, се развиваме. Ако се подобри од првите, тоа значи дека јас сепак ќе бидам тука“, заклучи Анже Постекоглу.