Активниот јаглен има широка примена во лечењето на стомачните тегоби и ослободувањето на телото од токсините. Но, тој е многу повеќе од тоа.
На пример, во денешно време, многу често се користи и како козметички препрарат. А, на кој начин може да го направите тоа, како и други примени, прочитајте во продолжение:
Боја на храна
Храната обоена со црна боја е тренд и го освои Интернетот. Најголем дел од таа храна е обоена со активен јаглен. Јагленот ѝ дава интересна боја на храната и ја прави поздрава. Купете активен јаглен во прав или искористете издробени таблети или содржината од неколку капсули.
Ги чисти скалпот и косата
Јагленот длабоко ги чисти скалпот и косата и особено се препорачува за луѓе што имаат проблем со вишок мрснотии. Јагленот ги отстранува себумот и нечистотиите од косата давајќи ѝ свежина и дополнителен волумен. За луѓето што се борат со првутот, јагленот може да се користи како помошен лек.
Против дијареја
Јагленот има силни апсорбирачки својства и ги апсорбира супстанците што предизвикуваат дијареја. Јагленот ги заробува и ги врзува, а потоа заедно со нив се излачува од телото.
Против акни на грбот
Активниот јаглен многу добро ја чисти кожата од себум и од бактерии. Благодарение на ова, купката со јаглен може да ги излечи дури и најтешките случаи на акни. Во водата ставете само 2 капсули прав.
По пиење алкохол
Активниот јаглен нема да го отстрани алкохолот од вашето тело, но ќе го олесни мамурлакот. Тој го намалува неговото апсорбирање во телото. Испијте активен јаглен и пред консумирањето алкохол, но и потоа.