Пред речиси еден месец за директор на Кумановската болница е избран д-р Фати Џемаили, успешен уролог во болницата Куманово, на предлог на министерот Фатмир Меџити и со политичка поддршка на Алијансата за Албанците. Веднаш по именувањето на докторот на директорската позиција, се врати поранешната директорка на болницата, психологот Билјана Ивановска, која имаше политичка поддршка од СДСМ. Оваа постапка на министерот Фатмир Меџити и на Алијансата за Албанците е несфатлива за пошироката јавност, а особено за кумановците кои се надеваа на позитивна промена на ситуацијата, велат од кумановскиот огранок на Алтернатива.
Според партијата, „оние дела и проекти што ги започна поранешниот министер Беким Сали, кумановци се надеваа дека ќе ги продолжи следниот министер, но тоа не се случи“.
-Напротив! На докажаниот професионалец во областа на медицината како д-р Фати Џемаили, се играше со своето професионално достоинство. На овој начин се поигруваше и со достоинството на сите кумановци. Останувањето на АА на власт по ова понижување веќе стана непотребно. Ако Алијансата за Албанците навистина е заинтересирана за Албанците и особено за Куманово, да прашаме со што се фатени кога директорот е разрешен и се навредува достоинството на лекар Албанец? По ова понижување, се надеваме дека ќе рефлектираат. Ќе треба да рефлектираат и активистите на Алијанса за Албанците. На јавноста им должат одговор на прашањето: Зошто се уште се во Владата?, прашуваат од партијата.