Министерот за надворешни работи Никола Димитров вечерва изјави дека нема никаков нов предлог за името, туку дека на средбата во Брисел е утврдена интензивна динамика на консултации.
– Нема никаков нов предлог. Се се шпекулации. Она што е важно дека се утврди интезивна динамика да има средба и во јануари следната година. Местото сеуште не е утврдено, но се споменува Њујорк. Можеби ќе биде таму. Ќе има средба и во февруари, март.., истакна Димитров во гостувањето на „Ноќно студио“ на телевизија Телма.
Коментирајќи ја опцијата за отпочнување на претпристапни преговори и паралелно решавање на спорот со името, Димитров со став дека треба да се најде начин на зближување за сојузништво.
Според него, настојувањето на Грција прво да се затвори проблемот со името, а потоа да се отвори вратата на Македонија кон ЕУ и НАТО, е стравот дека доколку се случи обратното, ние ќе најдеме начин да не ја надминеме разликата околу името.